Aallaqqaasiut

Kisitsisitigut paasissutissani matumani Namminersorlutik Oqartussani aamma kommunini atorfillit, pisortat akissarsialeriviannit AKISSARSIAT-nit akissarsisartut, akissarsiaat takutinneqarput. Ukiup ilivitsup ingerlanerani agguaqatigiissillugu qaammammut akissarsiat kisinneqarput. Akunnerit suliffiusimasut katinneri akunnernut suliffiusussatut aalajangersakkanut agguarlugit ukiumut naatsorsuutit kisinneqarput.

 

Pisortaqarfinni akissarsiat

Pisortaqarfinni ukiumut naatsorsukkat amerlanerpaat, katillugit 5.701-inik amerlassusillit, SIK-mi akissarsianut isumaqatigiissutit malillugit atorfeqarput. AK-mi akissarsianut isumaqatigiissutit, atorfilinnut isumaqatigiissutinik kiisali IMAK-imi ilinniartitsisunut isumaqatigiissummik imalik, ukiumut naatsorsuutaat aamma 1.000-niit amerlanerupput.

 

Tabel 1. Ukiumut naatsorsuutit, 2025

Sulisut peqatigiiffiat	Qaammammusiallit	Akunnermusiallit	Katillugit
SIK	2.162	3.539	5.701
AK	1.175	14	1.189
IMAK ...................	1.103	59	1.162
PPK ....................	676	16	692
NPK ....................	498	53	551
AC	464	-	464
ASG ....................	371	-	371
DJØF ...................	191	-	191
Allat ....................	324	33	357

Najoqqutaq: Naatsorsueqqissaartarfik, https://bank.stat.gl/ofnol1

 

Sulisut peqatigiiffianni SIK-mi akissarsianut isumaqatigiissutit qaammamusialinnut aamma akunnermusialinnut isumaqatigiissutinik imaqarput. Sulisut peqatigiiffiini allani ikittuinnaat akunnermusialinnik imaqarput.

 

Kisitsisaataasivimmi tabelinik ukiumut naatsorsuutinik imaqartunik agguaqatigiissillugulu qaammammut akissarsianik akissarsiat imarisaannut agguataarsimasunik, tapit ilanngunnagit qaammammusianut tapinullu assigiinngisitaartunut agguarsimasunik, aallertoqarsinnaavoq. Taamatuttaaq tabelit sulisut peqatigiiffiinut aamma suliaqarfinnut agguataarneqarsinnaapput. Assersuutigalugu sulisunut peqatigiiffik SIK toqqarneqarsinnaavoq, tassanilu Niuernermi aamma allaffimmi sulisut suliaqarfiat toqqarneqarsinnaalluni. Sulisut peqatigiiffiini ataasiakkaani suliaqarfiit suuneri tabel 5-imi takuneqarsinnaapput.

 

Ataani takutinneqarput aaneqarsinnaasut ilaat, suiaassutsit akornanni nikingassutsit tunngavigalugit aaneqarsimasut.

 

Tabel 2. Qaammammusialinnut agguaqatigiissillugu akissarsiat, 2025

Sulisut peqatigiiffiat	Angutit	Arnat	Katillugit
NPK .........................................	41.867	36.744	37.131
DJØF ........................................	48.454	44.358	46.170
IMAK ........................................	41.159	38.535	39.071
Nakorsat .....................................	63.016	59.679	61.049
ASG .........................................	88.243	84.085	85.766
AK	35.404	34.188	34.547
PPK .........................................	44.125	42.905	42.994
AC	44.394	43.495	43.868

Nalunaarut: SIK-mut tunngasut tabel 4-imi takukkit.

Najoqqutaq: Naatsorsueqqissaartarfik, https://bank.stat.gl/ofnol1

 

Sulisut peqatigiiffianni NPK-mi (perorsaasutut sulisut) suiaassutsit akornanni akissarsiat nikingassutaat annerpaavoq, 2025-mi akissarsiat nikingassutaat 5.123 kr.-nik annertussuseqarluni. Tabel 3-mi takutinneqarput NPK-mi akissarsiat imarisaasa agguataarneri assigiinngitsut.

 

Tabel 3. NPK-mi akissarsiat imarisaat, 2025

Akissarsiat agguataarnerisa imarisaat	Angutit	Arnat	Katillugit
Ukiumut ............................................	38	461	498
Akissarsiat, tapit ilanngunnagit ..........................	29.395	30.088	30.035
Qaangiuttoorneq .....................................	3.018	978	1.132
Tapit tamakkerlugit ....................................	9.455	5.678	5.963
Akissarsiat katillugit ...................................	41.867	36.744	37.131
Tapit allat ...........................................	3.820	3.358	3.393
Suliamut/Atorfimmut tapi ...............................	769	305	340
Tapit nalinginnaasut ...................................	40	187	175
Piginnaasanut tapit ...................................	303	249	253
Angalaqataanermi tapit ................................	506	178	202
Sumiiffimmi tapit ......................................	-	4	4
Suliffiup avataani suliaqarnermi tapi ......................	2.107	592	706
Pigaartunut tapi ......................................	1.911	808	891

Najoqqutaq: Naatsorsueqqissaartarfik, https://bank.stat.gl/ofnol3

 

Sulisut peqatigiiffianni NPK-mi akissarsianut isumaqatigiissut malillugu atorfilinni, akissarsiat agguataarsimanerisa imarisaat malillugit, angutit amerlanerullutik qaangiuttoornernik, suliffiup avataani suliaqarnermi tapimik aamma pigaartunut tapimik annerusunik akissarsiaqarput, arnalli tapit ilanngunnagit akissarsiaat qaffasinnerupput. Malugiuk NPK-mi akissarsianut isumaqatigiissut malillugu atorfilinni angutit arnanit ikinnerungaatsiarmata.

 

NPK-mi tapit ilanngunnagit akissarsiani qanoq sivisutigisumik atorfeqarsimaneq apeqqutaavoq, suliffeqarfiulli suunera, ilinniagaq aamma atorfimmi aqutsisutut akisussaaffeqarneq aamma tassani sunniuteqarsinnaapput.

 

Tabel 4. SIK-mi akissarsiat imarisaat, 2025

	Ukiumut	Akissarsiat, tapit ilanngunnagit	Qaangiut-toorneq	Tapit tamakkerlugit	Akissarsiat katillugit
	Qaammamusiallit
Katillugit	2.162	22.510	613	1.815	24.905
Angutit	443	22.094	1.552	3.176	26.484
Arnat	1.719	22.617	421	1.464	24.498
	Akunnermusiallit
Katillugit	3.540	16.481	516	1.671	18.661
Angutit	1.315	16.474	673	2.268	19.397
Arnat	2.225	16.485	425	1.318	18.226

Najoqqutaq: Naatsorsueqqissaartarfik, https://bank.stat.gl/ofnol3

 

SIK ilinniagaqarsimanngitsunut ilinniarsimasunullu akissarsianut isumaqatigiissutinik siammasissunik imaqarpoq. SIK-li tamaat ataatsimut isigissagaanni, akissarsianut isumaqatigiissutinut ataasiakkaanut agguarnagu, angutit arnaniit agguaqatigiissillugu isertitaat qaffasinnerupput. Qaammammusialinni tapit ilanngunnagit arnat akissarsiaat angutinit qaffasinnerupput, angutilli akissarsiaat tamakkiisut qaangiuttoornernik tapinillu peqquteqartunik qaffasinnerullutik. Akunnermusiallit akornanni angutit akissarsiaat aamma qaffasinnerupput, tapit annertunerunerannik pingaartumik peqquteqartumik.